Xarici İşlər naziri Seyid Abbas Əraqçi X hesabında yazıb: “İsrail rejiminin və müəyyən xüsusi maraq qruplarının müxtəlif taktikalardan istifadə edərək diplomatiyanı yayındırmaq cəhdləri hamıya aydındır.”
Əraqçi əlavə edib: “Kəşfiyyat və təhlükəsizlik qüvvələrimiz - əvvəlki hallar fonunda - bizi qanuni cavab verməyə məcbur etmək üçün nəzərdə tutulmuş hər hansı təxribat və terror əməliyyatlarına qarşı tam hazırdır.”
“Həmişə ictimai rəyi aldatmağa çalışanların qorxulu peyk görüntüləri təqdim etməklə yanaşı, növbəti dəfə də xəyali iddialar irəli sürəcəklərini də gözləmək olar”, Xarici İşlər naziri qeyd edib.
Əraqçi sonda yazıb: “Bir fakt; İranda zənginləşdirilmiş uranın hər milliqramı Beynəlxalq Atom Enerjisi Agentliyinin tam və davamlı nəzarəti altındadır.”
Sizin rəyiniz